Siangsawn kumthak(Dec 20/2022)

                                  (Pasian kamsangpa thu gen na)

    Siangsawn kumthak Pasian tapa hong pai zawh kum (164)phata hi.tuni in Pasian tapa hong suak hi.Pasian tapa leitung mihing te a ding in a hong suah zawh kum (164) cin ni hi.Pasian tapa ei te a ding in naungek bang in hong suak hi.a hong suah ni lungdam ni hi.Pasian tapa hong suak in mi khempeuh kha siangtho sih theih na nam(68)dawi biakna nam (68) Pasian in phiat aa a zozo pa suak ni a hihi.(Pasian minthang tahen)

            Tua a hih mah bang in khasiangtho sih theih na nam (68) leitung bup ah a zozo pa hi.tua a hih mah bang in mihing te sih theih na siat theih na dawigam thuap (40) a zozo pa Pasian tapa a hong suah ni hi.

            Van a sangbel dawl (30) tawntung nuntaakna ah pianna a hong ciah sak kik pa,ih pa kiang a hong zuan sak kik pa,nuntaakna a thak hong pia pa,a mial nuntaakna sung,khuazing nuntaakna sung a om kim lai a thak nuntaakna khua hong vak sak pa,tuni ih nuntaakna khua a hong vaksak kik pa Pasian tapa hong suak hi.tua a hih man in a ma tan bang in a tang ih pa Pasian tan na lamdang nei Pasian a tapa tang lua in a um mi khempeuh tawntung nuntaakna ah a ma tan bang in tang ding aa,leitung ah zong a ma nuntaakna tawh up na siangtho nei mi te in a lungsim vangik khempeuh ki suah khia ding aa,a nuntaakna khua vak ding a hih man in zanni meivak pawi tawh ih phat hi.

           Tua a hih mah bang in leitung pan vangtung ah a ciah vanmisiangtho te in Pasian tapa tan bang in hong tang ding aa,Pasian tan bang in tang ding ciah kik ni hun zanni misiangtho te in mei tan na lamdang tawh phat in meivak pawi ih ci hi.tua ahih man in tuni zong meivak pawi hong pai suak lai ding hi.zingciang nitak lam ciang dong hong pai lai ding hi.tua ahih mah bang in a zozo pa in nang leh kei a ding in zo khin a hih man in leitung ah khasiangtho sih theih na dawi biakna (68)leitung mi khempeuh aa ding in a zozo pa hong suak taktak ta hi.tua ahih mah bang in mihing te nuntaakna pian leh khan a ki khek sak pa nutaakna a zozo pa Pasian tapa suah ni hi.mi te khempeuh in Pasian tapa hih na kua man theilo hi.Pasian ta a hih na kua man theilo hi.kua man zong um mawhlo in a up mawhloh laitak mi te lak ah naungek bang in hong suak hi.min ummawhlo hi a upmawh loh lai tak tua naungek pa hong gol mawk aa,hong gol tak ciang in mi te in Pasian tapa hi ci in na tello mawk hi.huh pa hong pa a hihna tello hi.mihing te vangtungmi suak kik ding a hih na a piangsak pa nuntaakna lampi a hih na zong tello uhhi.

             Tua hun laitak in Pasian in numei khat sam aa nang numei hong pai o ka kamsang pipa no leitung mihing te lak ah kong lak khia ta ding hi.numei aw hong pai o ci-in sam mawk hi.a sap tak ciang in leitung mi numei a ki ci khempeuh lak ah a hoih mahmah zong om a pil mahmah zong om,a thupi mahmah zong om tua te lak ah Pasian in numei khat sam khia hi.numei tu in ka kamsang lian pipa PauCinHau ka sawl bang in gen ta in.ci mawk in mi khempeuh in tua numei nu hang in Pasian kamsang pipa PauCinHau a hih na hong thei khia pan uh hi.tua ciang in PauCinHau neu kiukeu lai in PauCinHau vantung thu piak na bang pai ta ding hi hang. gen in a cih lian tak ciang in tuni a ki pan Pasian in ka thu hong mang un hong ci hi.Pasian thu mang ding zui ding hi hiau hi.a hih hang in kua mah in Pasian thei nailo hi.a tapa zong thei nailo hi.tua ciang in a tapa hong ding khia aa KhuaCin in ka thu mang hen,langva inn deih kei hen ci hi.bangbang bangbang hi ta leh Pasian in thumang ding deih ngiat,thu zui ding deih ngiat,a thu mang ding a thu zui ding hi ziau lel hi.hauh na lamhna te pilna siamna te Pasian in masa lo hi.thupha ki sam masa hi.

                tua a hih mah bang in leitung mihing te thupi a sak penpen tua hun laitak in pu KhuaCin Pasian in manghen,zui hen hi ziau hi.a man a na man nop loh tak ciang in Pasian a heh sak masa penpen Pu KhuaCin na hi mawk hi.leitung ah Pasian heh sak masa penpen pu Khuacin na hihi.tua khit tak ciang in gamsung aa saiha tampi tak india gam ah va pua to in langva dal khat bek inn hong tung hi.Pasian ciamsa mah bang in KhuaCin in ka thu manglo hi ci ziau hi.tua a hih man in a ta HauZaKham a nu CiinNgul la khia ding hi ziau hi.             Tua pan in PauCinHau Pasian tapa hi cih ki mu kha a hih man in PauCinHau kei zong Pasian kiang ah hong thumsak o damna ka deih hi,mittaw te khelbai te thupha na pia in dam ziahziah hi.a um mi khempeuh damna,a um mi khempeuh tawldam na ki ngah hi.(siangsawn lapi 50)

                Van a sang bel na pan in khasiangtho Pasian tapa eite kiang ah pi CingZam sung pan in naungek bang in hong suak khia hi.tua hong suak khia Pasian tapa in eite a ding in hong suak khia hi.ih nuntaakna in khuamial guam thuk pi tawh ki bang aa tua te khua hong vak sak pa hi.tua pa hong suak khia ta hi.

              Tu in Pasian ka up theih na leh Pasian tawh ka ki zop theih na leh Pasian ka hopih theih na Pasian tapa hong suak hi.Pasian a tapa tawh kei kiang ah hong suak khawm hi.leitung ah mihing te a ki it ding kimlai gal leh sa in hong ki nei sak in duhna,kialna,dangtak na, gen theih na,ih neih khempeuh dawi mangpa biak piak na,ih neih khempeuh tonna,aihna, hong nei sak aa ih neih om nawnlo a bei tum ding nuntaakna khuamial guamthuk pi te khua hong vak sak in,nuntaakna khuamial khasiangtho sih theih na dawi biakna nam(68) a zozo pa tuni in khamtung gam,khamtung mi te leitung ah mihing te kha sih theih na dawi biakna nam (68)pan hong suakta sak aa a zozo pa hong suak zo hi.(Pasianmin thang tahen)

             tua a hih man in khamtung aa om zomi te ih hi zong in leitung bup aa om te ih hi zong in Pasian tapa hotkhiat sa ih hihi.Tapa hotkhiat sak sung ah tu in eite suakta in ih duhduh,ih deihdeih,silh in teng in ne in lei mong khat pan lei mong khat,gam mong khat pan gam mong khat,zin thei vak thei aa ih om na in Pasian tapa naungek bang in hong suak khiat khit ciang in hotkhiat na hong pai aa na nuntaakna khuamial te khua hong vak sak hi.leitung gamlian gam minthang gam gol mahmah ta leh khua khat bang aa hong koih sak Pasian hi,a tapa tawh hong suak khawm hi.(Pasian min thang ta hen)bangbang bangbang hi ta leh na om na khempeuh ah PauCinHau hotkhiat sa hi.Pasian tapa leitung ah hong pai aa leitung a ki khel sak pa hi.pian leh khan a ki khen sak pa hi.            Ih gam ih lei ih nuntaakna ah ut bang aa Pasian phat thei,lungdam thei a tapa hong pai na hang hi.Pasian cih na  tel na pen a tapa hong pai hi.siangsawn kumthak Pasian tapa hong pai zaw kum(164) cin na sung ah nuntaakna thusiang tho a lian (212 a khut vei lam tung pan a neu thum)ka bawl sa na lamdang te tawh mu aa na zat ni uh ciang in kei tawh om khawm hi ci in ngaihsun ding uh aa,vantung thusiangtho zuih ding sang up ding thupi zaw hi hong ci ding uh hi.

           A masa penpen in Pasian na lamdang penpen bang hi mawk hiam ci a na et tak ciang in mi tampi tak in leitung aa ngun leh kham sum leh paai neih leh lamh sa ding uh hi.Pasian in thu zuihna thu up na in lamdang zaw hi.a zui mihing in lamdang penpen in ka bawl hi.leitung ah lamdang mun khempeuh ah lamdang thupi penpen aa ki bawl masa in mihing hi.mihing a bawl a,a bawl hi.a pian sak a,a piansak hi.Pasian in Lamdang tua in lamdang a piangsak pen hi.mi ten a muh ciang in hih Pasian pen zuih ding hi hong ci ziau ding hi.a hih hang in um un na ci ding uh hi.zuih ding hi ziau lo in up ding hi.

           Tua a hih man in ih zuih theih na ding in zingsang tung, a masa penpen hong pia masa un,zingsang tung Pasian innpi aa pai in nang tawh ki zop theih na ding in hih sumpi tawh kong ki ap aa,tu aa kong nget na khempeuh a kip na ding in na mai ah kong ki ap hi.hih kong ap na te nong san na ding in na tapa PauCinHau hon khia pa huh pa hon pa min tawh kong ap hi.na cih khit tak ciang in hih in Pasian ta hih na hong kip sak hi.Pasian tapa in nang Pasian ta na hih na hong kip sak hi.bang hang in Pasian ta hih na pum kip lo ziau thei hiam?Pasian khasiangtho lungsim neilo aa leitung lungsim na neih ciang Pasian ta na hih na pan kip nawnlo hi.Pasian simlo a dang lungsim na neih leh ki zom thei lo hi.ki zop theih na di in siangsawn kum thak dawn un,Pasian tapa dawn un.zingtung in ki zom in la nisim na kalsuan na ah a tapa it huai na,it luat na leh nuntaakna a hih na nisim in na khasiangtho mit tawh mu in.na muh sak tawntung na pen it na leh phawkna a hih man in a man hong ngaii den hi.tua mite a ding in meivak pawi ki bawl aa,na nuntaakna khuavak in,nuntaakna guamthukpi khuamial te khempeuh khua vak na in Pasian tapa na kiang ah hong suak hi.Pasian tapa a hih na,na sung ah omhi.Pasian tapa na hihna a sung ah om hi.dawi hawlkhiat theih na ih ngah na pen Pasian tapa a hihna ih hih na hang hi.tua hang aa a zozo ih hihi.tua a hih man in Pasian zawh a hihi.tua na lamdang te na neih laitak in Pasian tawh om khawm hi ci in na ki ngaihsun un.Pasian phat aa 

Pasian tawh om khop na pen na lamdang hong ci hi.Pasian in lamdang a sak penpen na lamdang na hihi.

              Mihing te thupi a sak mahmah pen sui,ngun leh kham te na lamdang in ki mu aa,Pasian in a zozo pa Pasian a tapa nei aa a nuntaakpih te in a neih na pia a hih man in lamdang hi zaw hi.vantung gamnuam hang in na hiang ah vasano te hong tuang ding hi.

             Thu umlo mi te dah bang in dah kei un la,thu umlo mi te sih bang in a si ding na hi kei uh hi.no te vantung gamnuam ah kei tawh ih hing tawntung ding aa lei leh van a uk kik ding misingtho te ih hihi.Pasian um aa na om laitak in na ki sap mahmah na khat om ding aa,gen thei na ki sak mahmah na khat na om ding aa,tua na tel lian pen na lamdang thupha a hihi.na ki sap zong thei zo nawnlo aa,ki man na omlo zah dong aa,na ki nuai siah,pampaih na ki tuancil na pen Pasian na lamdang ngaihsun in,na kisap na na tel pen Pasian thupha a hihi.Pasian thu na theihloh, na tel pen lungdam mahmah ing ei na cih ii na kisap na pen,lamdang khat na hihi.mi khat in a hai lam zong theilo in a zawn lam zong theilo hi.tu in thei hen a theih na in thupha a hihi.a theihloh a theih pen na lamdang hi.theih ding Pasian in deih hi.

             212:4 Vangliat na ka neih zah na mu zo hi.tu in na nuntaakna sung ah vantung thu siangtho zuih na leh leitung gamtat na ka tapa PauCinHau nuntaakna a siangtho kha pumpi in a nin a siang hong khen laitak kua mah in na thei kei ding uh hi.

               Na lamdang na neih na na mu zo kei uhhi.lungsim kituak khawm aa khut ki len khawm a na thunget na pen na lamdang na hih na, na mu zo kei uh hi.vantung thu siangtho na zuih na leh leitung gamtat na,na gawm lam zong na thei kei uhhi.vantung thusiangtho a zui mah ka hiam? a hih kei leh leitung lungsim ka hiam cih na ngawn zong na thei kei uhhi.na gawm kha zelzel uhhi.a hih hang in a nin leh a siang a khen ka hihi.na gawm kei ta un.tuin leitung lungsim na neih na te nei ing ei ci in khen thei un.a nin a siang ka tapa kong khen sak lam na thei kei uhhi.kei leh ka tapa nong ngaihsun kei aa kei simloh a dang na ngaihsut leh ka cih zong na thei kei uhhi.Pasian innpi ah pai thungen na nget laitak na nget lungsim khat nei in tua lungsim zong na thei kei uhhi.mi te ngeina ngaihsut na te na zang kei ding uhhi.Pasian tapa in na lungsim sung ah hi te nin ei, hi te siang ei ci aa hong na khen sak lam zong na thei kei uhhi,a man hong na khen sak tawntung hi.hong khen sak hi kei leh thupha hong piak teng khempeuh nang na deih tawh gawm na hih man in a nin hong suak veve hi.tu in ka tapa in khen khin a hih lam phawk un.ka tapa in no te kiang ah a nin a siang hong khen sak tawntung hi.

        (212:5 Man neilo leivui tawh ki bang a nin pan in a khut vei lam ah a hong lak sa te khat vei hong en kik ding aa,a tak lam tung ah a hong lak a siangtho nuntaakna pumpi in thupha ngah minam te a hi ding hi.)

        Mihing khat in mawk nuntaak hetlo a hih man in Pasian in a gamtat na tung pan in a tapa khen sak tawntung aa,hi te in nisim a gamtat na ah kei hong mangngilh a hih man in leitung in a nin tawh ki bang aa,a tapa khut taklam ah la in a taklam pan hong lamto in tawntung nuntaakna ah hong koih in,tawntung nuntaakna khit teh siangtho nuntaakna nei uh hi.tu a mi te tawh kei ka om khawm hi.Pasian sung ah na kalsuan laitak Pasian sung ah na nuntaak laitak a siangtho mah ka hi hiam?ci in na lungsim en kikkik in.tua a hih man in Pasian deihloh na ngaihsut khak hong om kha ding hi.Pasian kul sak loh na ngaihsut na zong hong om kha ding hi.tua laitak in Pasian in a tapa sawl aa,hi mi in kei simloh a dang lungsim nei in leitung lungsim nei a hih man in hih a nin na lakkhiat sak ding hi.leivui sungpan khut veilam pan lakhia in tak lam ah vantung gamnuam a ding in na koih ding hi ci-in a tapa in hong sepsak na ngawn na thei kei hi.

                Nang thahat na tawh thupha a ki ngah hilo in a tapa hang hi.a tapa in hong sem a hih man in na up nak aa leh na san nak a leh tawntung nuntaakna ding leh tawntung nuntaakna na pai ma in leitung ah thupha piak mi leh Pasian teel mi leh  a mi na hihna thu tawh hong koih in nuntaak tawntung na thupha hong pia in eitung ah kisap na omlo nuntaakna ah hong koih hi.

          (212:6 Ama minam te tung ah vantung siangsawn nuntaakna kip in leitung ah ka thuzui mi a hi ding hi.) thu upna thu zuih na in tawntung nuntaakna ding hi.thu upna thuzuih na in misiangtho te hi.thu upna thu zuih na in Pasian aa hi.Pasian neihsa te ki suak in Pasian tapa hong suah ni Pasian in a tapa mi teng khempeuh haksatna nin tawh a ki bang leivui sung pan hong lakhia in a khut taklam hong et kik tak ciang in tawntung nuntaakna ah hong paipih hi.a hong paipih Pasian tapa suakni hi.(Pasian minthang tahen)

             Hih Pasian tapa hong suah pen leitung mihing ten thei zolo hi.Pasian in misiangtho te hong zang ngiat in a man a mah a hih na hong pia hi.siangsawn kumthak (164)Pasian tapa hong pai zawh misiangtho te nasep na,Pasian in na khut leh na nuntaakna khempeuh hong zang in a zozo pa zawh na hong nei sak a hih na,nang zong na neihna thei in,a mau a thei kei uh hi.a cih mah bang in na theih ding a thupi hi aa,Pasian a hih na, na sung ah omhi.tapa a hih na hong hih sak na,na sung ah om hi.tua ahih mah bang in na hiang ah vasa no te hong tuang ding hi.Pasian thu um aa, na kalsuan aa, leitung ah haksa,gen thei thu um mi na muh laitak in a mau te nuntaakna ding dangtak mi te tui pia un,gilkial mi te anvak un,ci hi.vasa no te a keuh cil in a mit keuh nailo in a pi in an vak hi.a mah zong tua te a khansuah khit tak ciang in a mah zong tua ding mah in zawhna lamdang ngah hi.tua a hih man in a ithuai mi te nusia kei un vasa no te tawh a ki bat laitak in an vak un.thupha hong om ding hi.na hiang ah hong khawl laitak in thupha pia un.tapa hong pai zawh kum(164)lungdam na thu tu aa zah hi sak ni....

                                                                          Pasian zatmi

                                                                          Pasian kamsang

                                                                          PaMang.

 Pasian Zatmi te ni

              Pasian zatmi te ni november 29/2022 Moelin Siangsawn pawlpi

Nuntaakna thu siangtho 194(vantung thupha)a neu 9 “a mau te kiangah pai in vantung lungdam na thu gen un"

Pasian zatmi te ni avei 27 cin na

                Pasian Zatmi te a hong pai theih na ding in Pasian kamsang lian pipa Pau Cin Hau leitung mi te nuntaakna hon khia ding,nuntaakna khua mial sa te khempeuh khua a vak sak kik ding,leitung mite ki-it na tual niam semsem aa ki-it na a ki kim zolo,vatung Pasian gamnuam a ngah zolo,Pasian tawh a mang khawm theilo,Pasian dal sa bang aa a nungta theilo leitung mihing te tung ah pian leh khan a ki khek sak pa nuntaakna khuamial khua a vak sak kik pa leitung ah Pasian bawlsa nuntaakna ah sihna ding pan in hin kik na a hong pia pa Pasian tapa Pau Cin Hau a hong pai zawh siangsawn kum (164) a ma hong pai khit tak ciang in leitung mihing te in vantung thusiangtho phatakpi in zui nuamlo,zui theilo,deih bawl a hih man in Pasian a lung kimlo aa,Pasian tapa in leitung a hong nusiat ding ciang vangam ah a ciah kik ding ciang in ka nungsang ciang in Pasian deihna taktak zui zo aa puahzo zaw ding hi ci-in lungnuam in ka hong nusia ding hi.

                      Tua khit ciang in leitung mihing te in Pasian tawh ki ho thei hong om in Pasian deih kammal a hong gen thei om leh cin in Pasian tung ah thu tampi tak ki ngen in leitung ah ih deihna ciat ki pulak hi.kua hong pai ding hiam ci-in ki thei khol lo hi.a thei khol Pasian in a gen kholh sa te hong piang aa, 1968 july 10 ni-in hong suak aa Pasian hilh kik na hong pai a ki im zo nawnlo 1995 november kha 29 ni-in Pasian hilh kik na hong suak hi.

                         Tuni 2022 november kha 29 ni tak ciang in Pasian hilh kik na kum 27 cin ni hi.hih kum 27 cin na hun sung ah hilh kik na a ki pan Pasian hong sawl bang in nu pa ki ten sak na Pasian thu piak na tawh kop 14 hi.Pasian hilhkik na sung ah khasiangtho Pasian in a ma misiangtho te tawh lei leh van uk ding aa ama zat minam, teel minam te tawh na a sep khop,khasiangtho ii tel, teeltuam nu pa zatmi kum 27 cin kum tak ciang in tu tung aa a ki teng ding nu pa kop thum te tawh teeltuam nu pa kop 95 hi.1995 kum aa zatmi te hong pai mah bang in tuni kum 27 a cin kum tak ciang in teeltuam nu pa kop 95 pha lian hi.

                          Pasian thu um thu zui mi te in Pasian tung ah lungdam lua a hih man in tu kei ma min tawh min tapna hong pia uh aa,tu 16 a om laitak hi.ka tu 16 a phak laitak hi.tua mah bang in thu um thu zui mi te tung ah Pasian nasep na tawh ki zui in min phuah na Pasian min tawh min ka phuah min 138 a phak laitak hi.

                           Pasian in leitung mihing te nuntaakna a ki khek sak ding bang hang ki khek ding Pasian in abawl sa te ama kiang a ciah kik ding deih in ah,  a bawl sa bang a ciah kik theih loh ciang in nuntaakna ki khek theilo a hih man in a ki khek kik ding deih hi.a ki khek kik ding a deih tak ciang in Pasian in a zatmi te hong sawl aa,ut pipi aa zong ki sem lo hi,Pasian deih na bang in a ki mang hi.Pasian deih na bang in hong pian tak ciang in tu tung Pasian zatmi te ni kum 27 cin na ah Pasian zatmi te zong thum a hih mah bang in teeltuam nupa zong kop thum hong hi mawk hi.

                         Pasian in a nasep na te khawl ngeilo,tawp ngeilo, bei ngeilo,nusia ngeilo a hih mah bang in Pasian in na khempeuh tung ah nungta hi.a nungta Pasian na sung ah nungta hi.tua a hih mah bang in u te nau te la nambat 28 na sung ah simlei miza mim bang pian na sian munzang nem dildial ci hi.leitung mi khempeuh a pian na pen vangam siangsawn vantung gamnuam hi ci hi.a ma vangam pan a pian sak mi te tuni in a zat mite ni nang zong leitung pan na pian khiat zawh Pasian in hong zawhpih khit ciang in vantung thusiangtho na zuih hilhkik na hong pai tak ciang in kum bang zah phata na hiam cih tuni na en lecin hilhkikna na san zawh vantung thusiangtho na zuih zawh kum bang zah hiam?nang ii zuih zawh zahzah kum tuni a ki bawl a hihi. 

                     Tua a hih mah bang in simlei miza mim bang pian na sian munzang nem dildial leitung mihing te vantung Pasian gamnuam pan piang hi cihi.tua a hih mah bang in, na zi na pasal na sung aa piang na ta,na mo,na mak vantung pan in nang aa ding aa, a piang a ki teel ngiat nang aa ding hi.nang aa ding hi ziau hi.nang aa ding in a piang khat om aa tua in a piang sak pan nang aa ding a koih hi in nang a ding in na ngah ding aa a gel pan, a gel sa a hihi.tuni tua zatmi te ni a ki bawl a hihi.

                        Leitung ah na khempeuh bawl khol in tua teng khempeuh a phat ding in Pasian in vantung pan a gel kholhsa mi te leitung ah aki pai hi bek hi.tua a hih man in tuni in na pasal, ka pasal aw cih ding Pasian in phallo aa ka lutang aw ka nuntaakna lutang aw na cih ding Pasian in phal bek hi.ka zi aw na cih ding a phal hang in huh ding na hih na tawh phal hi.tua a hih mah bang in leitung ah a gel tawm hilo in vantung pan a gelsa te a piang khia a hihi.innkuan ding in Pasian in a gel kholh sa a hihi.tua a hih man in Pasian gel kholh na sa te kua man nial zolo ding hi.tua a gel na te khempeuh phatni zatmi te ni a hihi.tua a hih man in ih pasal ding ih zi ding ih ta ding ih tu ding innkuan pih ding te Pasian in a gel kholh sinsen, a ki ngah a hihi.a theih loh a muh lo kawmkal aa piang hi lo hi.ki lawm a sak penpen teng mah innkuan khat aa hong koih a hihi.tu hong koih hong gawm mi te ni zat mite ni a ki bawl a hihi.Pasian hong zat mite ni a ki bawl a hihi.

                        Tua a hih mah bang in na ki lawm na Pasian mai ah lak in,na et lawm na Pasian mai ah lak in, Pasian in et lawm a sak na thu Pasian mai ah lak in,a man hi pen a mu nuam tawntung hi.tua bek tham lo in na lah ding in zingsang tung in hong pai in no te ki lawmna,na innkuan tawh na ki lawmna kong mu nuam tawntung aa amasa penpen piak khiatna ka deih hi.tua in na ki lawm na tawh nong lak ding uh hi.a masa penpen lungsim piak khiat na,a masa penpen piak khiat na ki ap na sum pi ih piak khiat khit ciang in ei aa ki sem thei hi.tua a hih mah bang in na ki lawm na uh tawh kei kiang ah hong pai unla,no te kong gawmsa te tawh note na ki lawm na te ka mai ah na nuam ding uh hi.na ki-it na te uh ki bang sak un,tua te tawh hong pai un ken tua te muhnop ka sa pen aa thupi ka sa penpen hi.tua a hih mah bang Pasian in a ki lawm a sak penpen tawh tuni in a ki om khawm a hihi.

                    Pasian in leitung ah nang lian khat bek na bawl hi,ki sun cih bek om aa nang lian a dang omlo hi.tua a hih man in Pasian letsong hi.na nu na pa,na zi na pasal,na tu na ta na sungh,na mak nang aa ding aa Pasian letsong hi.tua pen leitung na tawh a ki lei thei na hilo,a ki lei zo ding zong hi lo,a ki zuak zong hi lo,Pasian in a gawm aa hong gawm hi lel hi.gawm cih teh gawm teel  cihteh tel hi.leitung ah nang lian khat bek hong bawl hi. tua a hih man in na pumpi bawl sia ken, gensia ken,na pumpi na bawlsiat leh mawhna hi.tua a hi man in bawlsia ken simmawh ken, gensia ken.

                     Leitung na nusiat takciang in nang aman hi cin aa, a mah bang khat om lai ei cih bang omlo in, nang tawh ki sai aman,tua ahih man in leitung mihing te in si kici,Pasian in ciah cihi.mihing lei ah a tuh takciang in sihgui ni ci in,Pasian in a gen ciang in ciah ni leh thuciam piak ni ci tektek hi.vantung pan thuciam ngahsa te in vantung nong ciah uh ciang vantung pan thuciam na pia ding uh hi ci bek hi.tua a hih mah bang in hih thuciam ngahsa te vive ih hih man in Pasian teelmi,Pasian gawm mi,Pasian zatmi,Pasian it mi,Pasian deih mi vive ih hih man in tu in nang zong na inn kuanpih te a ding in letsong khat na hih lam ki tel in.na innkuan pih te mai ah mi thupi mahmah na hih lam kitel in.nang ki tel in na innkuan pih te a ding in a manpha in uk tawntung in,na innkuan pih te aa ding in Pasian mai ah a manpha in om tawntung in.na pumpi it tak mahmah hi.leitung ah mi a hinsawt penpen ni 30000 bek ki nungta hi.tua a hih man in leitung ah hun tampi ki ngah lo in Pasian hun ih pumpi ih piak di lo buang a dang omlo hi.

                     Na zi na ta te gen loh na mawtaw te na puan te na phim na ngawn na innkuan pih hi.Pasian hong piak hi.na zat theih kei na phim na ngawn in hong dawt thei hi.na innkuan pih na neihsa khempeuh Pasian hong piak hi nuam un.no te leitung ah hong pai in man kong la kei hi.man la lo cih pen letsong hi.na pumpi Pasian in it mahmah hi nang sang it zaw lai hi.

                   Tu in Pasian zatmi te ni hong tun mah bang in bang teng ah eite hong zang nuam mihing khat sung ah bang teng a man nei,bang teng en nei,bang teng ih sung ah om,mihing khat sung ah nuntaakna a kicing koih zo ing ci hi.tu ni in na sung ah thupha na piak zahzah na sung ah om hi.na ganhing tung ah lawng aa thupha na piak ciang in na ganhing ten hong it aa hong cidam bang mah in na it zah thupha tawh a mah a khan a nuam a hihi.

                   Tua a hih man in hih na khut kuak muan huai sung ah thupha ki cing hi,om hi,a bei theilo thupha hi cihi.tua a hih mah bang in a luzang ah na khut nga in la thupha pia in bei theilo hi.a bei thei ding na sak leh a bei theilo hi,tawp hun zong neilo hi,tua thu pha pen leitung ci leh sa pan in thupha na piak khit tak ciang in vantung thuciam na ngah tak ciang in vanmisiangtho in kum 300 bang zui hi ci hi.

                       Tua khit tak ciang in phat na la sa aa na phat zah ii na lungdam zahzah tua misiangtho te ii khasiangtho nuntaakna sung ah na lungdam zahzah khasiangtho lungdam hi.khasiangtho lungdam a hih man in khasiangtho in gen hi,khasiangtho in lungdam na a gen ciang in mihing te in a zak loh hang in mihing te tung lungdam na thu tawh gamta a hih man in khanlawh na piang hi.tua khankawh na a piang pen khasiangtho in a gen thu hi.tua a hih man in phat na la a ki sak ngekngek na pen hih hang hi.

                       Tua ahih man in Pasian kamsang pipa in a ma om muan thu a nget tak ciang in a ma ii sam khah aa a mah kia mah in thu ngen in a mah kia mah in khut lam in thupha leitung buppi a ding pulpi dal na, natpi dal na,tuicin dal na,na sia tak in bawl den hi.tua a hih mah bang in a ma aa ding bek hilo in leitung buppi a ding in thu ngen aa tu ni in zong na zi thupha na piak pen leitung buppi te a ding thupha piakna khat hong suak hi.na ta thupha na piak pen leitung buppi a ding thupha piakna hong suak hi.bang hang hiam cih leh mi khat a picin tak ciang in siavuan,siamah,sangsia cih bang teng a suah tak ciang in mi khempeuh in tua lungdam na ngah hi.leitung buppi a ding hi.tua a hih man in thupha pia in.

                Zatmi te hong pai ciang in sanginn sung tausang minphat na Lailui khua ah ki bawl masa hi.puan paak ki khung in Pasian Tapa man ki suang hi.gah leh teh tawh minphat na hi bang dan hi,lei pan aa piang tui tawh a nunta paak tawh min phat hi bang dan hi ci in ki zang hi.tua khit ciang in inn sung tausang minphat na sia Hau Pian te inn ah ki bawl masa hi.tu in ka zatmi pa aw va pai in ka thuciam bang in na sep ding tausang minphat na va bawl in ci a hih man in sia Hau Pian te inn ah ki bawl hi.tua khit ciang in amunmun a khua khua ah ki pai kawikawi in minphat na tausang ki bawl kawikawi hi.tu ni in tausang lungdam na thu na lungdam zah nang aa ding a hihi.tua a hih man in hih lungdam na thu tu ni aa hong pai mi khempeuh aa ding hi.tua a hih man in tu aa hong pai mi khempeuh zong tua thupha a ngah ding hi.Pasian in a gel sa bang in piang sak a hih mah bang in tuni in zatmi te ni a bawl ih hihi.

                 Tu tung Pasian zatmi te ni ih bawl aa,tun mai ah  hong kalsuan pih na ding ah  tu ni in kum 27 a khat vei hong cin na a hih mah bang in 1995 a pat teeltuam nupa 95 a cin na a hih mah bang in tun khenpi nih na a ki pai ding a hih mah bang in,khenpi nih na a pai ma in nungak siangtho te kiang ahi zong in siampi lian te kiang ahi zong in,sawltaak te tung ahih zong in teeltuam nupa sazian a ki pia sa a lui te letcian teng ki sian ding a hihi.

                  A toh nih na khenpi nih na ah a ki pai ding a hihi.bang hang hiam cih leh Pasian gen kholh sa,Pasian ciam sa mah bang in tu ni in hih Pasian gen te zang lo ding ih hi hiam?Pasian ciam kholh sa bang in piang hi,tunglo ding in ih up kawmkal ah Pasian hilhkik zawh kum 20 hong cin khit tak ciang in Pasian in mangngilh hi ta ding hi ci aa ih lam et kawmkal ah hong tung aa tutung teeltuam nupa suah na dongh ah zong hih moelin nupi teng a na cial ngiat hing.a tatak in ci leng gambup khangno te ding kimlai pen Pasian ciamsa tektek bang in hong tung takpi a hih man in gambup ki khoppi ki samlo aa,moelin nupi upa teng teeltuam nupa suah na ah lam na phat na hong bawl ding hi ta hi.tua lai ah Pasian thusin mision te tawh a phat khawm ding hi lai hi.

                   Thuzui mi ten ah Pasian kamsang pa leh naupang te thu hong sin khawm ding hi cita,thu ki ngen pah ziahziah Pasian siangsawn khuapi miphatna tausang pan naupang te leh Pasian kamsang pa thusin khop ding pen ka nial uhhi,ka nial uhhi.upa te mah hi hen makai te mah hi hen. ka nial uh hi ci ziahziah.awng ziahziah lel,lei bang tuan ziahziah ka nial hi ci kei.Pasian in ka ciam bang in tung ding hi ci lian, a hun tak ciang in hi aa naupang no te hong hi takpi hi.Pasian ciamsa mah bang in tutung mision te mahmah zong naupang no te vive mah hong hihi.

                   A hong pai lai ding te khempeuh ah zong Pasian in nang tung ah hong gen kholh sa te Pasian tung ah thu nget na te tung pelmawh ding hi.tung taktak ding hi. misiangtho te aw hih zatmi te ni sung ah vantungmi te dawn un,vantung galkap te dawn un,na thunget na sung aa na muh kholh na te khempeuh Pasian khawl ngeilo ding hi.tawp ngeilo ding hi.Pasian hong muh kholh sak na te khempeuh bei ngeilo ding hi.tawp ngeilo ding hi ci in na lungkham khol kei un la,ei ih tawp khak ding lung kham zaw un.Pasian khawl ngeilo dinghi,tawp ngeilo ding hi,tua hun tak ciang in khangthak te na sep na tampi hong piang ding hi.lamdang lungdam na tampi hong piang di hi.tua a hih man in misiangtho te tung ah Pasian in na hong sem ding hi.misiang tho te tung ah khanlawh na tampi hong piang lai ding hi.misiang tho te sung ah khasiangtho nasep na tampi hong piang lai ding hi.khenpi nih na lut ding hi pan in ah tung hi nailo hi.Pasian ciamsa hong piang ding hi.

                U te nau te aw khang thak te aw tu in Pasian nasem ding leh Pasian mizat ding leh,Pasian tel ding leh misiangtho ding hing ci in nuam khol un.kei ma sung pan aa piang ka tu ka ta te Pasian mizat piang ding aa,Pasian nasem piang ding aa,Pasian mi lamdang piang ding hi ci in nuam khol un.Pasian khasiangtho no te sung ah hong lut ding hi.nu te pa te aw ka suan ka khak ka u ka nau ka sanggam te Pasian telmi suak ding hi ci in nuam un.Pasian in pilna zong ding leh hi ciang bek aa nasem ding in hong deih hilo aa ih thu nget na sung ah lei mong khat pan lei mong khat ah gam mong khat pan gam mong khat cih ih nget sa hi.tua mah bang in Pasian kamsang pi pan 1922 kum lailui khua pan Mualbem khua a zuat khit vaikhak na kammal thupi hi.ka thu in lei mong khat lei mong khat,gam mong khat leh gam mong khat hong zel ding hi.hi thu ciamteh un.ci in na vai khak hi.

                  Tua a hih mah bang in khangthak Pasian nasem,khang thak Pasian thu um mi ten na om na khempeuh Pasian nuntaakna sung ah cihtak na lungsim nei un.ka sung ah Pasian nung ta aa kei Pasian zatmi khat ka hihi.tua a zat mite hong zat mi te ni a ki bawl takpi na hi mawk in hilhkik na sung ah na ki tel zah zatmi te ni nang leh kei a ki bawl khawm a hih mah bang in ih suan ih khak te zong Pasian in bang zah aa zangh ding en tello, a thei Pasian hi.na theih nailoh a piang lai ding Pasian in a gel kholhsa hi.tua ahih mah bang in koi mun koi gam na tung a hi zong in siangsawn nuntaakna sung ah citak in,siangsawn nuntaakna sung ah nungta in,a siangtho nuntaakna tawh nungta in,Pasian in a ciamsa khel ngeilo hi.Pasian in a ciamsa a khel loh mah bang in ka neulai ka kum 5/6 Tonzang khua ah ka om laitak in Pasian siangsawn khua Pasian in hong musak hi.a mit hum,munuamlo,nial,ka nun bang hong ci hiam cih leh Mangneu aw na mit na hum bang dan aa, ken muh khat nei tua hi,ka nun sunglut hongsa a hih ciang aa,ak kang sa hong pia,manta pum em hong pia,sing awn nuai ah hong lut pih,ken Pasian thupiak genlo,Lailui inn ka et leh khuamu lian ih gamtat na ding khempeuh mu ka hih ciang aa ka lau dan,lai sim kim lai ut keng va ci kha ka hih ciang aa,ka lawm te kei pen mihai hong ci lian hi.ka gengen leh gen nawn kei o, im cip oo  hong ki ci a hih man aa ka im cip bekbak hi.

                        Ka kum 12 tak ciang in tua ka muh na ci in ka u Go Suan Pau ka gen leh thei lian ing ei Teeklui khua khung hi ei ci in hong paipih in na hi lian hi.tua lai aa bual tui kicing sakol leh bawng ten na ne.tua pan in ah ciah in ah Sing At Mual ka tun tak ciang in U Pau aw hi lai ah khua thak hong piang ding hi.’’ih khuapih te lau aa hong suktai khin hi piang ken teh hong ci’’piang ding hi tua lai ah taklak ah ken inn lam masa pen ding hing.a tatak hong pianteh ken inn lam masa pen takpi in khuapih ten Mangneu ten tua lai ah inn lam zen mihai te hong ci hi.bangbang hi ta leh Pasian ciamsa bang in Sing At Mual(MunPha)to teng ah inn hong dimta hi.siangsawn khua ah Pasian ciamsa bang in piang aa Pasian ciamsa bang in hih moelin,piang hi.Pasian ciamsa bang in TanNuamZang piang hi.Pasian ciamsa bang in LuiZang piang hi.Siangsawn khua tui om na pen ki dawn in tua pen tu in အသည္းနလံုးေရကန္ki ci hi.Pasian kamsangpipa lungtang leh mizat kamsang pa lungtang ci in ki ciamteh hi.

                         Tua ahih mah bang in hi te khempeuh tawh na a sem khawm kua?mingsiangtho te hi.misiangtho ten ah neih leh lam teng khempeuh ih khua aa teng khempeuh nusia aa siangsawn khua a pai tak ciang in inn neilo dan khat aa om khinkhian huih in sukmut to mut,tua kawm pipi mah aa khualzin vak,Cing Kuak in ah tua pen la khat hong phuak demdam.tua teng ah teeltuam nupa piang veve,a ki letthat te kiang ah Pasian in lei pan aa piang gah leh teh ne un ci in,a gah leh teh theilo ih hih ciang aa,moh leh niangtui ne,misiangtho te aw hi thu ngaihsun un tun teeltuam nupa te in lei pan a piang gah leh teh tawh ih sanggam ih u ih nau te tawh ne khawm ding hi ci hi.

                    Pasian in hong kalsuan pih nuam hi tu in khenpi nih na ah hong lut pih ding hi.tu aa khang thak te in ko hun tak ciang in Pasian deih na gah leh teh tawh pai nuam hi ci in khen sat un.Pasian in siangtho nuntaak na mah deih hi.teltuam ni tak ciang in gah leh teh nek khop na,min phat na hong om ding hi.tua ciang in namkhat bek hong hi ding aa khat teh khat mah hong hi ding hi.a bei sa hun in bel ki deih sak lua in a mimbem a tang bem aa ki sun in tua bang om ngei lo hi,Pasian in gen un ci a hih man in a gen ih hihi.tua a hih mah bang in Pasian in kalsuan pih aa hong nuntaakpih Pasian nang leh kei,nang leh Pasian nungta tatak hi ci in Pasian sung ah ih nuntaakna lak khia ding hi hang.ih u ih nau te tung ah zong lak khia ding hi hang.thu um misingtho te tung ah zong ih up na tantan Pasian tawh ih nuntaakna lakkhia ding hi hang.ih lah khiat zahzah Pasian aa ding leh nang aa ding hi.

                                                               Pasian kamsangpa thugen na

nuntaak na thusiangtho.pdf by kheenmang